abhi subah ka aalam tha ki abhi shaam dhal gayi
jane kab nazar ke saamne se zindagi nikal gayi
kaamyaabi chhoone ki jwala jo dil mein jagayi thi
sholo mein uski apnon ki yaadein jal gayi
sajaye the maine bhi sapno ke kai shandar mahal
khuli palak to khwabo ki duniya pighal gayi
manzile-kaamyaabi ki oar bhaag raha tha 'aks'
ki pairon ke neeche se zameen hi fisal gayi
No comments:
Post a Comment